ढब जा ए इंदर राजा..

खेतां ऊबी ज्वार गळगी, 

साग थी आखी क्यार गळगी

त्राहि-त्राहि मिनख बोळगो

ढब जा ए इंदर राजा,घणो हो ग्यो

जेठ लागतां चालू होगो

सावण बीतो भादो चाळगो

इश्यो-किश्यो चौमासो होगो

ढब जा ए इंदर राजा,घणो होग्यो

गांव डूब ग्या, ठांव डुब ग्या

ढोर-ढंगर आजी आया..

सूरज बापड़ो ठंडो पड़गो..

ढब जा ए इंदर राजा, घणो होग्यो..

टिमाटिरां को भाव बढ़ ग्यो 

किंकोड़ा ताईं ताव चढ़ ग्यो..

दो सौ रिप्यां को धणो होग्यो..

ढब जा ए इंदर राजा, घणो होग्यो 

गांव-गुवाड़ी खाड़ा पड़गा,

सड़कां माथे गाड़ा गड़गा..

ढाणी-पाणी रोळो होग्यो..

ढब जा ए इंदर राजा, घणो होग्यो..

~अक्षिणी